Fa'amaumauga o Aseta o Tagata e iai A'afiaga Tumau o le Soifua a le Atunu'u (National Disability Data Asset)

Mataupu Fa'avae mo le fa'aopoopoina o fa'amaumauga

E 4 mataupu fa'avae e fesoasoani i le faia o fa'ai'uga pe tatau ona aofia ai fa'amaumauga i le Fa'amaumauga o Aseta o Tagata e iai A'afiaga Tumau o le Soifua a le Atunu'u. Na atiaʻe e le Fono o Fa'amaumauga o Aseta o Tagata e iai A'afiaga Tumau o le Soifua (le Fono) nei mataupu fa'avae e fa'aaoga mai le tausaga 2026.

O mataupu fa'avae e 4 e aofia ai:

• Manatunatu pe o le fa'aaogaina o fa'amaumauga e ogatasi ma mataupu fa'avae ma talia le fa'aogaina i le Feagaiga a le Fa'amaumauga o Meatotino o Tagata e iai A'afiaga Tumau o le Soifua (le Feagaiga). O le mulimulitaʻi i le Feagaiga o se auala tāua e fausia ai le fa'atuatuaga i le Fa'amaumauga o Aseta o Tagata e iai A'afiaga Tumau o le Soifua.
• Manatunatu pe iai ni tapulaʻa e ono matua fa'aitiitia ai le aogā o le aofia ai o fa'amaumauga.
• Manatunatu pe o lo'o iai i fa'amaumauga le mafai ona lagolagoina ni manatu fou ma le malamalama i taunu'uga ma aia tatau a tagata e iai a'afiaga tumau o le soifua. E aofia ai fa'amaoniga mo le fa'aleleia o tulafono, faiga fa'avae, auaunaga ma su'esu'ega.
• Manatunatu pe o fa'amaumauga e fa'atatau i nu'u fa'apitoa, ma le aofia ai o nei nu'u i le faia o fa'ai'uga pe tatau ona aofia ai fa'amaumauga.

Le auala e fa'atino ai mataupu fa'avae

O le a mana'omia e vaega eseese le fa'aaogaina o nei mataupu fa'avae.

E aofia ai:

• vaega a le Fa'amaumauga o Aseta o Tagata e iai A'afiaga Tumau o le Soifua o le Malo o Ausetalia
• Leoleo o Fa'amaumauga – o matagaluega a le malo e pulea ma tausia le saogalemu o fa'amaumauga
• le Fono
• komiti faufautua.